Skip to main content

Week 32- Key Change in Reflective Practice

Taumata 1: He aha tētahi āhuatanga kua panonihia?
Kaore e kore ko te tino hua kua puta i ēnei mahi ki Mindlab ko te panoni i taku mahi
whakaakoranga kia whai wāhi ngā ākonga katoa ki te ako. E hono ana tēnei pūkenga ki te
mātāpono “Ngā hononga me ngā whanonga ngaiotanga”,  i te tuhinga Our Code, Our Standards
nā te Ministry of Education (2017). Kātahi te tau whanaungatanga ko tēnei. Kua kite ahau i ngā
hua o te whakawhiti kōrero ki ngā whānau, me ngā hapori kia hāpai i ngā mahi e whanake ana i te
akomanga me te mātauranga o te tamaiti, kia hāpai i te mahi ako.
E ai ki te wāhanga o “Ngā hononga me ngā whanonga ngaiotanga”, ka whai hononga i runga i te
mahi ngātahi ki ngā ākonga me ngā whānau, ki ngā hoa kaimahi, me te hapori. I roto i taku mahi
rangahau, i ako ahau i ngā pūkenga arotake me te panoni i ngā mea kāore i whai hua i roto i te
akomanga. I tēnei wā kua hono ahau ki ngā mātua katoa o tōku akomanga, ā, ka aro ngā tamariki
ki te ako hanumi i runga i te hiahia ki te ako.
Taumata 2: Arotake i ngā panonitanga
Ka huri ahau ki tauira a Osterman and Kottkamp (2015). Ko te wāhanga tuatahi e hāngai ana ki
tētahi wero. Ko te wero nui i kite ahau i roto i taku mahi whakaakoranga, ko te aronga a te tamaiti
ki ngā mahi. I te āwangawanga ahau i te mea, he maha ngā tamariki i roto i tōku akomanga e
ngākaunui ana ki ngā mahi ā ringa, te korikori tinana, me te toro atu ki te taiao. Kāore ahau i te tino
mōhio ka pehea te hono i ngā mahi ako hanumi ki ngā hiahia a ngā tamariki. Nōreira, i runga i te
hiahia kia whai wāhi ngā ākonga katoa i ngā mahi i roto i te akomanga, ka panoni ahau i ōku
whakaaro kātahi. Ka rua, ka whakatinana i ngā āhuatanga o te ako hanumi, me ngā tāera a te
tamaiti kia whai wāhi i roto i te akomanga. Ki au nei mehemea kāore te kaiako e āhei ana ki te
panoni i a ia anō, ka noho ngoikore, ā, kāore hoki i te whakamana i ngā mātāpono i whakatakoto i
roto i te tuhinga ‘Our Code, Our Standards.’
Ngā kitenga me ngā tātaringa
E ai ki ngā tuhinga a Osterman and Kottkamp (2015) mō te Cycle of Reflective Practice, ka whānui
te titiro o te kairangahau inā ka whai i ētahi pātai kia arotake te kairangahau i a ia anō. Koia tāku i
kite atu i roto i aku mahi rangahau mō te ako hanumi. Ko tētahi o ngā mahi i akona e au i roto i te
Mindlab ko te arotake i ngā mahi kia whai hua ki te whakatinana, kia panoni rānei. I roto i ngā mahi
rangahau i wetewetehia ngā ariā e hāngai ana ki te ako hanumi, ā i kite hoki e hono ana ki te
aronga a te tamaiti. Ka whakawhiti ki te akomanga, i kohia ngā raraunga e pā ana ki ngā tamariki
me te aro ki ngā mahi, ā, ka kite i te hononga o ngā ariā ki aku mahi.

Aronga me te whakamātautau
Mō te taha ariā, kua whānui ake taku titiro ki ngā mātāpono kaupapa Māori mō te rangahau. Ka
mōhio inā ka mahi i aku mahi i te kura, ka whai ahau i ngā tikanga Māori, ā, ka Māori hoki taku
titiro i mua i taku panoni i tētahi āhuatanga i roto i te akomanga.
Kua whakatinana ahau i te ako hanumi i roto i te akomanga, ā, kua timata hoki ahau ki te
whakamahi i ētahi momo pūmanawa kua akona e au ki Mindlab. He rawe ngā hua kua puta, heoi,
kei te ako tonu ahau ki te whakamahere tika i te ako hanumi mō ia o ngā marau.
Taumata 3: Aku mahi whakangungu
E ngākaunui ana ahau ki ngā ākonga Māori me te aronga a te tamaiti kia eke ki tōna kounga ako.
Nōreira, ko taku e hiahia ana kia titiro ki ngā pānga o te ako hanumi ki ngā tamariki i roto i te kura
Māori. Kua akona e au ngā pūkenga rangahau, ā, ka hiahia tēnei te ruku hohonu ki roto i ngā
pānga o te ‘growth midset’, me te whai hononga ki ngā ariā Māori. He rawe aku mahi ako i Mindlab,
i te mea kua mārama pai ahau ka taea e au te hono i ēnei mahi katoa ki ia tamaiti i roto i te kura.
Mauri ora!.





Rarangi Pukapuka
Osterman, K. & Kottkamp, R.(1993). Reflective Practice for Educators.California.Corwin Press,

Ministry of Education (2017). Our code, our standards. Retrieved from https://educationcouncil.org.nz/content/our-code-our-standards

Comments

Post a Comment

Popular posts from this blog

Week 28- Influence of Law and Ethics in Practice

Create a reflective entry where you first identify an ethical dilemma that you either have faced or might face in the future, in your own practice that is linked to digital or online access or activity. This is an interesting topic and in my experience of teaching have seen many scenarios arise, especially before digital citizenship was introduced in school. For the purpose of this activity I will be following Rolfe et al.s’ (2001) reflective model. Step 1 (What): An ethical dilemma that I have faced involved a student, her parents, and a teacher. The teacher involved in the incident was an experienced teacher who taught for many years. The student was upset by the teacher for telling her and two other students quite firmly to go outside as all the other children were playing outside. The student was upset by the way the teacher spoke to her. The student later told her mother that the teacher was being mean to her and that she was a mean teacher. The parent later posted on...
4 comments
Read more

Wiki 18- Future-oriented Learning and Teaching

1. I tēnei wiki ka tirohia ahau ki Theme 1: Personalising learning e ai ki (Bolstad, Gilbert, McDowall, Bull, Boyd & Hipkins, 2012) . Ka whai ngā tamariki i a rātou ake whāinga ako ia rā. Hei tauira, mō te pānui- ka mahi te tamaiti i ngā ngohe e hāngai ana ki tana whāinga ako. He aha tēnei āhuatanga i roto i te akomanga? Ehara i te mea ka waiho ngā tamariki kātahi ka mahia te mahi. I te mea he kohungahunga tonu rātou (5y.o), ka whai mātou i te Station Rotation Model kia āhei te kaiako te whakaatu me te whakatauira i tētahi pūkenga. Ko te wāhanga i runga i te ipurangi ko te ngohe i whakaritea ki Seesaw, ā, koia hoki te mahi motuhake e hāngai ana ki te tamaiti. 2. I te tīmatanga o te panonitanga i te akomanga, i te tino hiamo au ki ngā mahi me te wero. I kaha whakarite au i ngā āhuatanga o te akomanga rautau 21 pērā i te taiao  o te akomanga- kia whai wāhi ngā ākonga te mahi tahi (collaboration), me te whakawhiti kōrero ki ētahi atu (skilled communication). Ko te raru k...
2 comments
Read more

Wiki 20-Choosing a topic for your teacher inquiry

Topic Area Blended learning models and student engagement I would like to focus on a blended learning model and how that impacts on student engagement. I have found it difficult to engage students in my new entrant classroom (Māori immersion), with little reo Māori. I think it is important to provide an inclusive environment at kura, however, it is difficult when there is a language barrier to hook those students into the mahi. 
Post a Comment
Read more